Tamaina handiko industria-piezen trepanatzean eta arbastatzean eskaintzen dugun espezializazio eta berrikuntzari esker, sektore mota orotara egokitu gaitezke, gure bezeroak pozik gera daitezen. Askotariko sektoreetan egiten ditugu zerbitzuak. Haien artean, honako hauek azpimarra daitezke: petrolio-sektorea, sektore eolikoa, ontzigintza-sektorerako prentsa edo potentzia-transmisioak, zementu-enpresak eta altzairu-enpresak. Petrolio-sektorean eta ontzigintza-sektorean, oso tamaina handiko piezekin lan egiten dute, eta, zenbaitetan, trepanatzeko edo arbastatzeko prozesuek nabarmen murrizten dituzte pieza industria-mekanizazioko kateko ondorengo tratamendurako prestatzeko denborak.
Egokitu egiten gara, eta zure sektorerako soluziorik onena bilatzen dugu.
Ursalton, neurri handian errazten ditugu prozesu horiek. Izan ere, 720 mm-ra bitarteko diametroak edo handiagoak lortzeaz gain, pieza trepanatu ondoren bezeroari itzultzen diogu soberako nukleoa. Faktore bereizgarria da, arestian aipatu ditugun sektoreetan piezaren barruko nukleoak tamaina eta itzulera ekonomiko handia izan baitezake. Era horretan, bezeroak produkzio-kostuen murrizketa handia lortzen du, soberako materiala beste pieza guztiz berri bat fabrikatzeko erabil baitezake.
